Ol Miting Blong Kingdom Wok

Wik We i Stat Long Oktoba 8

Singsing 56

10 minit: Lokol mesej. Yusum ol fastok long pej 12, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Oktoba 1 mo Wekap! blong Okt./Dis. Sipos i no gat tufala magasin ya, yusum tu laswan magasin we kongregesen i kasem. Long tufala pleplei ya, pablisa i seremaot tu magasin ya tugeta, nating se hem i yusum wan nomo long storian blong hem.

20 minit: Stap Klosap Long Ogenaesesen Blong Jeova. Wan tok wetem kwestin mo ansa we i stanap long japta 17 blong buk ya Organized to Do Jehovah’s Will. (Lukluk pepa we i stap long medel blong Kingdom Wok ya.)

15 minit: “!Wan Spesel Wekap! Blong Seremaot Long Manis Jenuware!”a Tekem smol taem blong tokbaot ol save we i stap long Wekap! blong Novemba long Inglis mo Franis (hemia Wekap! blong Jenuware-Maj long Bislama). Biaen, gohed wetem kwestin mo ansa we oli stanap long haf long Kingdom Wok ya. Taem yu stap tokbaot haf 3, yusum ol fastok long pej 12, no sam narafala fastok we oli wokgud long ples blong yufala, blong mekem wan pleplei blong soemaot olsem wanem blong seremaot Wekap! blong Novemba. Bifo we pablisa i finisim storian blong hem, hem i rerem rod blong i save kambak bakegen blong luk man ya.

Singsing 10

Wik We i Stat Long Oktoba 15

Singsing 67

10 minit: Lokol mesej. Jusum sam Advaes long Kingdom Wok Blong Yumi.

23 minit: ?Trutok i Karem Frut Long Laef Blong Ol Man We Yu Stap Tijim? Wan tok wetem kwestin mo ansa we i stanap long Wajtaoa blong Februari 1, 2005, pej 28-30. Tokbaot olsem wanem ol kwestin long buk ya Baebol Tijim oli save halpem yumi blong faenemaot wanem i stap long hat blong studen. Lukluk long sam eksampol olsem japta 1, haf 19; japta 2, haf 4; japta 3, haf 24; mo japta 4 haf 18. Leftemap tingting blong ol pablisa blong yusumgud ol defren haf blong buk ya.

12 minit: Wan tok we i stanap long Wajtaoa blong Jun 1, 2007, pej 22 (Wan Kwestin).

Singsing 151

Wik We i Stat Long Oktoba 22

Singsing 175

10 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 12 blong Kingdom Wok ya, no sam narafala fastok we oli wokgud long ples blong yufala, blong mekem tu pleplei blong soem olsem wanem blong seremaot Wajtaoa blong Novemba 1 mo Wekap! blong Okt./Dis. Sipos yufala i no kasem tufala magasin ya yet, yusum tu laswan magasin we kongregesen i kasem.

15 minit: Lokol nid.

20 minit: Oltaem Yufala i Mas Holem Fasin Blong Man Blong Delaet. Wan tok mo sam inteviu. Yumi lego tudak blong wol ya finis mo yumi jusum blong letem laet blong Jeova i lidim yumi. (Efes. 5:8, 9) Laet ya i mekem laef blong yumi i kam moa gud, i givim mining long hem. (1 Tim. 4:8) Laet ya i givim hop long yumi. (Rom 15:4) Askem sam kwestin long 2 no 3 pablisa we oli fesem mo winim ol bigfala traem from we oli wantem gat wan gudfala fasin fren wetem Jeova mo gohed blong holemtaet fasin fren ya. ?Wanem sam traem we oli fesem taem oli stap lanem trutok? ?Olsem wanem oli winim ol traem ya? ?Olsem wanem laef blong olgeta naoia i moagud? ?Wanem samting i givhan long olgeta blong oli save gohed blong stanap strong long trutok? Long lastok blong yu, leftemap tingting blong ful kongregesen blong oli gohed blong mekem fasin fren blong olgeta wetem Jeova i kam moa strong, mo blong oli gohed blong soemaot bigfala tangkiu from trutok we Jeova i talemaot long yumi.—2 Pita 1:5-8.

Singsing 23

Wik We i Stat Long Oktoba 29

Singsing 124

10 minit: Lokol mesej. Talem bakegen long evriwan se oli no mas fogetem ripot blong manis Oktoba. Talemaot wanem buk bambae yumi seremaot long Novemba, mo mekem wan pleplei blong soemaot olsem wanem blong seremaot buk ya.

15 minit: Kasem Ol Mak Long Saed Blong Spirit Blong Presem God. Wan tok wetem kwestin mo ansa we i stanap long Wajtaoa blong Julae 15, 2004, pej 21-23. Askem ol brata sista blong talemaot ol mak we oli putum long saed blong spirit mo wanem oli stap mekem blong kasem ol mak ya. Wan no tu pablisa oli save givim ansa we oli mekemrere fastaem.

20 minit: “Givim Hop Long Ol Puaman.”b Long haf 2, tokbaot sam poen long Wekap! blong Jenuware-Maj, 2004, pej 28-29.

Singsing 7

Wik We i Stat Long Novemba 5

Singsing 156

10 minit: Lokol mesej.

15 minit: Yusum Waes Blong God Blong Protektem Ol Pikinini Blong Yu. Wan tok we i stanap long Wajtaoa blong Jenuware 1, 2005, pej 23-27.

20 minit: “Wan Taem Blong Yumi Lefleftemap Tingting Blong Yumi.”c Askem ol brata sista blong talemaot wan eksampol blong wan taem we seket elda i bin leftemap tingting blong olgeta taem hem i visitim kongregesen. Wan no tu pablisa oli save givim ansa we oli mekemrere fastaem.

Singsing 192

[Ol futnot]