Advaes

◼ Buk we bambae yumi seremaot long manis Julae Mo Ogis: Buklet ya !Lukaot Gud! Sipos no buklet ya !Yu Yu Save Harem Gud Blong Olwe Long Wol! Septemba: ?Wanem Samting We Baebol i Rili Tijim? Mekem wan spesel traehad blong statem Baebol stadi long faswan taem we yumi prij long man. Sipos man blong haos i gat buk ya finis, tekem smol taem blong soem long hem, olsem wanem blong stadi long buk ya. Long rod ya, bambae hem i luk olsem wanem buk ya i save givhan long hem. Oktoba: Wajtaoa mo Wekap! Sipos man i intres, givim traket ya long hem ?Yu Yu Wantem Lanem Moa Long Saed Blong Baebol? wetem tingting ya blong statem Baebol stadi.

◼ I gud blong mekem wok blong haftaem paenia long manis Ogis from we i gat faef wiken long hem.

◼ Long Septemba, ol seket elda bambae oli stat blong givim niufala pablik tok ya “Wokbaot Folem Stret Fasin.”

◼ Branj ofis i no stap fulumap oda blong ol buk blong ol wanwan pablisa. Presiden elda i mas meksua se oli talemaot long kongregesen evri manis wetaem bambae oli sanem oda blong ol buk blong kongregesen i go long branj ofis. Olsem nao, olgeta we oli wantem kasem wan buk blong olgeta nomo oli save putum oda wetem ol brata we oli lukaot long ol buk. Plis, no fogetem weswan buk we oli spesel oda.

◼ Long Ogis 31, 2008 no kwiktaem biaen, ol kongregesen oli mas kaontem ol buk mo magasin we oli stap, olsem oli mekem evri yia. Wok ya i klosap sem mak long wok blong kaontem ol buk we brata we i lukaot long ol buk i mekem evri manis. Oli mas raetem fulnamba blong ol buk long Pepa Blong Kaontem Ol Buk (S-18). Brata we i lukaot long ol magasin, hem i save talem fulnamba blong ol magasin we oli stap. Sekretari blong kongregesen i mas lukaot long wok ya. Hem wetem presiden elda bambae tufala i saenem pepa ya. Wanwan kongregesen bambae i kasem tri Pepa Blong Kaontem Ol Buk. Plis sanem faswan pepa i go long branj ofis bifo Septemba 6. Namba tu pepa i save go long fael blong kongregesen. Namba tri pepa yufala i save yusum blong raetem sam samting long hem taem yufala i stap kaontem ol buk.

◼ Yumi mas yusum Baebol Tijim buk blong mekem Baebol stadi, bitim we yumi yusum buklet ?Wanem?. Buklet ya ?Wanem?, bambae yumi gohed blong seremaot long wok blong prij gogo yumi finis olgeta kopi blong hem.