Advaes

◼ Buk we yumi seremaot long manis Septemba: ?Wanem Samting We Baebol i Rili Tijim? Mekem spesel traehad blong statem Baebol stadi long faswan taem we yu prij long man. Sipos man blong haos i gat buk ya finis, tekem smoltaem blong soem long hem olsem wanem blong stadi long buk ya. Long rod ya, bambae hem i luk olsem wanem buk ya i save givhan long hem. Oktoba 1 kasem 19: Wajtaoa mo Wekap! Sipos man blong haos i intres, givimaot traket ya, ?Yu Yu Wantem Lanem Moa Long Saed Blong Baebol? Mo storian long hem wetem tingting ya blong statem wan Baebol stadi. Oktoba 20 kasem Novemba 16: Bambae yumi gat kampen blong seremaot traket ya ?Yu Yu Wantem Save Trutok? Novemba 17 kasem 30: ?Wanem Samting We Baebol i Rili Tijim? Mekem spesel traehad blong statem Baebol stadi. Disemba: Man We i Hae Moa Long Olgeta Man. Sipos no, Revelesen—Kolosap i Kasem Nambawan En Blong Hem!

◼ Long nekis oda blong ol buk, kongregesen i save oda long 2009 Calendar of Jehovah’s Witnesses, Ridimgud Ol Tok Blong Baebol Evri Dei—2009, mo 2009 Yearbook of Jehovah’s Witnesses. Long “Mesej Long Olgeta Kongregesen” we Sosaeti i sanem evri manis, bambae yufala i kasem wan lis blong olgeta lanwis we yufala i save oda long hem.

◼ Novemba i wan nambawan manis blong mekem wok blong haftaem paenia from we i gat faef wiken long hem.

◼ Spesel pablik tok we i joen wetem Memoriol blong 2009 bambae i stap long wik blong Eprel 20, 2009. Stamba tok blong spesel pablik tok ya bambae mifala i talemaot biaen. Ol kongregesen we oli gat visit blong seket elda no wan asembli long wiken ya, oli save mekem spesel tok ya long wik we i kam biaen. Ol kongregesen oli no mas mekem spesel tok ya bifo Eprel 20.

◼ Long nekis oda blong ol buk, ol kongregesen oli save oda long ol baon volium blong Wajtaoa mo Wekap! blong yia 2008 (Franis mo Inglis), mo Watch Tower Publications Index 2008, mo Watchtower Library−2008 Edition long CD-ROM. Long Mesej Long Olgeta Kongregesen,” we Sosaeti i sanem evri manis, bambae i gat wan lis blong ol lanwis we yufala i save oda long hem. Plis, makem se Watchtower Library−2008 Edition i blong ol memba blong kongregesen nomo, mo oli save kasem tru long kongregesen nomo. Ol pablisa we oli no moa yusum ol baon volium be oli yusum Watchtower Library long kompiuta, oli mas tingting gud sipos oli rili nidim blong mekem oda blong ol baon volium.

◼ Wan brata we presiden elda i jusumaot, bambae i jekem ol kaon blong kongregesen blong manis Jun, Julae, mo Ogis. Presiden elda i no mas jusum sem brata oltaem blong jekem ol kaon. Taem wok ya i finis, talemaot long kongregesen afta we yufala i ridimaot nekis ripot blong ol kaon.—Lukluk Rod Blong Mekem Ol Kaon Blong Kongregesen (S-27).