Ol Miting Long Wik Blong Mei 17
WIK WE I STAT LONG MEI 17
Singsing 85
□ Baebol Stadi Blong Kongregesen:
□ Tiokratik Skul:
Baebol riding: 2 Samuel 9-12
N. 1: 2 Samuel 10:1-12
N. 2: ?From Wanem Jisas i Tijim Ol Samting We i Stanap Long Baebol Nomo? (Jon 7:16-18)
N. 3: ?Baebol i Talem Wanem Long Saed Blong Ol Aedol Mo Ol Narafala Samting We Man i Wokem Blong Mekem Wosip Long Olgeta? (rs-E pej 183 ¶1-4; rs-F pej 186 ¶3–pej 187 ¶3)
□ Miting Blong Kingdom Wok:
Singsing 109
5 minit: Lokol mesej.
10 minit: ?Yu Save Mekem Wok Blong Haftaem Paenia Long Ol Manis Blong Koltaem? Pulum ol man blong givim ansa. Brata we i mekem haf ya i save tekem smoltaem blong tokbaot ol save we oli stap long Kingdom Wok blong Maj 2007, pej 4 haf 5, 6 (buk ya Organized, pej 112-113). Hem i mas talem klia wanem ol mak we yumi mas kasem blong yumi save joen long wok ya. I gud tu blong askem kwestin long samfala we oli mekem wok blong haftaem paenia taem oli spel long wok no long skul. Olgeta ya oli save talem ol blesing we oli kasem from wok ya.
10 minit: Ol Rod Blong Talemaot Gud Nius—Tekem Evri Janis Blong Prij. Pulum ol man blong givim ansa folem save we i stap long Kingdom Wok blong Jenuware 2007, pej 6 haf 4-7 (buk ya Organized, pej 101 haf 2, kasem pej 102 haf 2). Brata we i givim tok ya i save askem long wan no tu pablisa, blong talemaot wan stori no mekem wan pleplei blong soemaot samting we i hapen taem oli tekem janis blong prij long man.
10 minit: “Ol Kristin We Oli Mekem Wok Blong God Oli Mas Prea.” Kwestin mo ansa.
Singsing 161