Ol Miting Long Wik Blong 7 Jenuware

WIK WE I STAT LONG 7 JENUWARE

Singsing 104 Mo Prea

□ Baebol Stadi Blong Kongregesen:

gt japta 122 (30 minit)

□ Skul Blong Trenem Yumi Blong Tij:

Baebol riding: Matiu 1-6 (10 minit)

N. 1: Matiu 5:21-32 (no bitim 4 minit)

N. 2: ?Wanem Gud Nius Ya We i Kamaot Long God?—fg pej 3, kwestin 1 (5 minit)

N. 3: ?Yumi Save Soemaot Olsem Wanem Se Yumi Lavem God?—lv pej 5-8 haf 1-6 (5 minit)

□ Miting Blong Kingdom Wok:

Singsing 38

10 minit: Sam Tingting Blong Seremaot Ol Magasin Long Manis Jenuware. Tok wetem sam kwestin mo ansa. Long wan minit, tokbaot sam haf long ol magasin we oli save pulum tingting blong ol man. Biaen, yu jusum ol fas stori long Wajtaoa, mo yu askem long ol brata mo sista blong oli talem sam kwestin we i save pulum tingting blong man, mo wanem vas we oli save yusum. Yu mekem sem mak wetem ol fas haf blong Wekap! Sipos i gat taem, yu save tokbaot wan narafala haf tu. Yu askem long tu brata mo sista blong tufala i soemaot olsem wanem blong seremaot Wajtaoa mo Wekap!

10 minit: Lokol nid.

10 minit: Haos Kingdom We i Klin Gud i Leftemap Nem Blong Jehova. Wan elda i mekem tok ya. Jehova i God ya we i tabu. From samting ya, ol man blong hem oli mas klin long bodi. (Eks. 30:17-21; 40:30-32) Yumi leftemap nem blong Jehova taem yumi mekem se haos wosip blong yumi i stap klin gud oltaem mo yumi fiksimap ol samting we oli brok. (1 Pita 2:12) Elda we i givim tok ya i save talem sam stori we oli soemaot se taem Haos Kingdom i luk naes, samting ya i wan gudfala rod blong prij long ol man raonabaot. Maet ol stori ya oli kamaot long ples blong yufala no oli stap long ol buk blong yumi. I gud yu askem kwestin long brata we i lukaot long wok blong klinim mo fiksimap Haos Kingdom, blong hem i talemaot wanem ol plan blong kongregesen long saed ya. Tok ya i mas pulum tingting blong olgeta man long kongregesen blong oli joen long wok ya blong lukaot gud long Haos Kingdom.

Singsing 127 Mo Prea