“Sam Tingting Blong Seremaot Magasin Long Manis . . . ”

Wan taem evri manis i gat wan haf long Miting Blong Kingdom Wok we i se, “Sam Tingting Blong Seremaot Magasin.” Tok ya i no blong tokbaot evri haf we i stap long ol magasin. Be hem i blong tokbaot sam tingting nomo we yumi save yusum, taem yumi seremaot ol magasin ya. Advaes we i stap long Kingdom Wok i talem se brata we i mekem haf ya i mas mekem wan sotfala fastok, we i no bitim 1 minit. Sotfala fastok ya i blong pulum tingting blong ol pablisa blong oli wantem tumas blong seremaot ol magasin. Ale hem i jusum wan haf blong magasin mo i askem long ol pablisa blong oli talemaot tingting blong olgeta long haf ya. Nao hem i go long narafala haf. Samting ya i givhan long ol pablisa blong oli save makem ol gudfala tingting we oli wantem yusum. Brata i askem long olgeta we oli stap blong oli tokbaot sam kwestin we i save pulum tingting blong ol man long teritori. Mo biaen hem i askem long ol brata mo sista blong oli tokbaot wanem vas we i stret blong ridim. Blong finisim haf ya, hem i askem long sam brata no sista blong oli soemaot olsem wanem blong seremaot ol magasin ya. I gud sipos yumi evriwan i traehad blong ridim ol magasin blong yumi bifo we yumi kam long miting. Olsem nao, bambae yumi save givim sam gudfala tingting long taem blong miting. Sipos yumi evriwan i rere gud fastaem, bambae yumi save givgivhan long yumi.—Prov. 27:17.