“Mi Mi Kam Long Haos Blong Yu From We . . .”

Taem yumi go long haos blong wan man we i no save yumi, ating hem i wantem save se yumi hu, mo maet hem i wantem save tu, from wanem yumi kam long haos blong hem. Taswe, sipos yumi no wantem se man blong haos i wari, ?yumi save talem wanem long hem? I gud we yumi talem halo long hem, mo biaen yumi talemaot “from” wanem yumi kam long haos blong hem. Maet yumi save talem se: “Mifala i kam visitim yu tede, from we mifala i luk se plante man oli wari long ol trabol we oli stap kam antap. ?Yu ting se . . .” Sipos no, yumi save talem se: “Mi mi kam luk yu, from we mi mi stap mekem Baebol stadi wetem ol man, we i fri nomo.” Sipos yumi talemaot fastaem long man blong haos, from wanem yumi kam long haos blong hem, bambae hem i glad moa blong lesin long samting we yumi wantem talem.