Kamgud Moa Long Wok Blong Prij—Yu Rerem Fastok Blong Yu
?From Wanem i Impoten?: Sipos fastok blong yu i no pulum man blong hem i wantem save moa, man ya i save stopem yu bifo we yu prij long hem. Taswe, plante pablisa oli tingbaot ol fastok se oli impoten tumas. I gat sam fastok long ol Kingdom Wok Blong Yumi mo long smol buklet ya Statem Wan Storian, be oli no talem evri toktok we yumi save yusum. Hemia from we yumi save talem ol fastok ya long prapa toktok blong yumi. Mo nating se sam fastok long Kingdom Wok i gat evri toktok we yumi save yusum, maet ol pablisa oli wantem jenisim smol ol toktok ya, no oli rerem wan narafala fastok. Taswe, yumi save karem gudfala frut sipos yumi rerem gud ol fastok blong yumi, i bitim we yumi talem fas samting we i kam long tingting blong yumi taem yumi stap long fored blong man.—Prov. 15:28.
Yu Traem Mekem Samting Ya Long Manis Ya:
Long taem blong famle wosip, i gud yu mo famle blong yu i tekem smoltaem blong rerem ol toktok we bambae yufala i yusum long fastok blong yufala. Mo i gud yu traem blong mekem olsem se yu prij long olgeta mo yu yusum fastok ya.
Long wok blong prij, yu talemaot long pablisa we i prij wetem yu, wanem fastok we yu wantem yusum. (Prov. 27:17) Sipos yu luk se fastok ya i no wok gud, yu yusum wan defren wan.