Ol Miting Long Wik Blong 20 Oktoba

Singsing 54 Mo Prea

Baebol Stadi Blong Kongregesen:

my japta 41-42 (30 minit)

Tiokratik Skul:

Baebol riding: Dutronome 7-10 (10 minit)

N. 1: Dutronome 9:15-29 (no bitim 4 minit)

N. 2: ?Wanem Ya Wan Paenia?—jl stadi 13 (5 minit)

N. 3: ?Olsem Wanem Blong No Giaman Long Yumi Wan?—lv pej 161-162 haf 3-5 (5 minit)

Miting Blong Kingdom Wok:

Singsing 116

15 minit: “?Olsem Wanem Blong Eksplenem 1914?” Tok wetem sam kwestin mo ansa. Yu askem long evriwan blong oli tokbaot ol kwestin. Yu talem long evriwan se oli save lukluk long Wajtaoa ya, we i kamaot nomo long Franis mo Inglis.

15 minit: Wan Tul We i Givhan Blong Eksplenem 1914. Blong statem haf ya, yu askem tu pablisa blong tufala i kam antap mo mekem wan pleplei blong seven minit. Tufala i soemaot olsem wanem blong eksplenem ol tok mo ol pija we oli stap long Wajtaoa blong 1 Novemba 2014, pej 11. Pablisa ya i eksplenem long Baebol stadi blong hem, olsem wanem profet tok we i stap long Daniel japta 4 i joen wetem Kingdom blong God. (Haf ya we bambae tufala pablisa ya i soemaot i stanap long Franis mo Inglis Wajtaoa, be bambae tufala i tanem ol haf ya i go long lanwis we kongregesen i yusum.) Yu askem long evriwan blong oli talemaot olsem wanem pleplei ya i save karem gudfala frut, sipos yumi folem ol save ya long wok blong prij. Blong finisim, yu ridim Revelesen 12:10, 12 mo yu askem evriwan blong tokbaot olsem wanem save ya, se Kingdom i stanap long 1914 i pusum yumi blong yumi mas strong blong prij.

Singsing 133 Mo Prea