?Yu Yu Luksave Ansa Blong Ol Prea Blong Yu?

Baebol i fulap wetem eksampol blong ol prea we Jehova i ansarem. Taem ol man blong God oli luksave we Jehova i stap lesin, taem oli talemaot ol wari blong olgeta mo i halpem olgeta, bilif blong olgeta i kam strong moa. Taswe taem yumi prea, i gud yumi askem stret samting we yumi wantem mo traem luksave olsem wanem Jehova i ansarem prea blong yumi. Tingbaot se maet samtaem ansa blong hem i defren o maet hem i save mekem moa long wanem we yumi askem. (2Ko 12:7-9; Ef 3:20) ?Jehova i save givim wanem blong ansarem ol prea blong yumi?

• Paoa, kwaet tingting, o bilif blong dil wetem problem.—Fil 4:13

• Waes blong mekem gudfala desisen.—Jem 1:5

• Givim paoa mo i mekem yumi wantem wok. —Fil 2:13

• Pis taem yumi wari.—Fil 4:6, 7

• I yusum ol narafala blong halpem yumi long saed blong bodi mo filing.—1Jo 3:17, 18

• Halpem olgeta we yumi prea from olgeta. —Wok 12:5, 11

WAJEM VIDEO YA JEHOVA I STAP “HAREM OL PREA,” BIAEN ANSA LONG OL KWESTIN YA:

• ?Olsem wanem ekspiriens blong Brata Shimizu i save enkarejem yumi, sipos yumi no save mekem plante samting, from yumi gat helt problem?

• ?Olsem wanem yumi save folem eksampol blong Brata Shimizu?