?Ol Witnes Blong Jehova Oli Stap Givim Taet?

Ol Witnes blong Jehova oli no givim taet. Wok blong mifala i stap gohed from ol presen mane nomo. ?Be taet hem i wanem? ?From wanem ol Witnes blong Jehova oli no stap givim taet?

Taem God i givim loa long ol man Isrel, hem i talem long olgeta se oli mas givim haf blong ol samting blong olgeta olsem taet. Taem Baebol i tokbaot loa ya, hem i talem klia se ol pris ‘oli mas tekem ol taet.’ Be God i no talem long ol Kristin blong oli givim taet.—Hibrus 7:5, 18; Kolosi 2:13, 14.

Ol Witnes blong Jehova oli no askem long ol man blong oli givim taet. Defren olgeta oli folem fasin blong ol fas Kristin mo oli sapotem gud wok we oli mekem blong talemaot gud nius. Oli mekem samting ya long tu defren rod. Wan rod hemia, taem oli go prij mo tijim ol man, oli no kasem mane from. Narafala rod we oli folem blong sapotem wok ya hemia, taem oli givim presen mane.

Mifala i folem samting we Baebol i talem, i se: “Evri man oli mas givim sam samting, olsem we olgeta wanwan oli jusumaot. I nogud man i givim samting long sore nomo, no from we hem i harem olsem we olgeta oli fosem hem, from we God i lavem man we i save givim samting long gladhat blong hem.”​—2 Korin 9:7.