Bambae Yumi Stadi Long Famle Buk

Ating bambae yu glad blong save se stat long wik blong Septemba 22, 2008 bambae yumi stadi long buk ya Spesel Rod Blong Mekem Famle i Hapi, long Buk Stadi blong kongregesen. I sua se bambae i nogat wan we i wantem mestem stadi ya long saed blong ol advaes we Baebol i givim blong mekem famle i hapi. Program blong stadi ya bambae i givim janis long yumi blong stadi gud long ol wanwan haf long buk mo ol vas blong Baebol we i stap long hem.

Long faswan wik blong stadi bambae yumi mekem ful japta blong japta 1, from we i no gat plante vas long hem. Sem mak long japta fiftin, bambae yumi stadi long fulwan japta. Be ol narafala japta bambae yumi seraotem long tu haf, ale bambae yumi stadi long wan haf long wan wik mo narafala haf long nekis wik blong hem. Olsem nao, bambae yumi gat naf taem blong ridim mo tokbaot ol vas we oli stap long ol wanwan haf, mo bambae yumi save tingting dip olsem wanem yumi save mekem we toktok blong olgeta we i stap long ol wanwan haf i wok long laef blong yumi.

Wan impoten haf blong stadi ya hemia taem yumi tokbaot ol save we i stap long bokis long en blong wanwan japta. From samting ya, brata we i lukaot long buk stadi i mas meksua se i gat naf taem blong tokbaot ol kwestin mo vas we oli stap long bokis ya.

Ol brata we oli lidim wanwan Buk Stadi blong kongregesen oli mas rerem gud stadi blong olgeta mo oli mas leftemap tingting blong evriwan we i joen long grup, mo ol niuwan tu blong rerem gud stadi blong olgeta, joen oltaem long buk stadi, mo givim ansa.

[Bokis blong pija long pej 3]

Spesel Rod Blong Mekem Famle i Hapi Program blong buk stadi stat long wik we i stat long Septemba 22, 2008, kasem wik blong Eprel 13, 2009

(Lukluk niuspepa)