Ol Man Raonabaot Long Yumi Oli Mas Harem Gud Nyus
1 “God i wantem sevem olgeta kaen man, mo i wantem olgeta man bambae oli faenem trutok.” (1 Tim. 2:4, NW) “Ol kaen man,” hem i minim olgeta man raonabaot long yumi. Blong kasem olgeta wetem gud nyus, yumi mas rere blong jenisim ol fastok blong yumi mo yumi mas tingbaot intres blong ol wanwan man we yumi mitim. (1 Kor. 9:19-23) Ogenaesesen blong Jeova i givimaot sam tul we oli givhan long yumi blong kasem hat blong olgeta we oli “stret blong kasem laef blong olwe.” (Ol Wok 13:48, NW) I gud we yumi luk olsem wanem yumi save yusum ol defren buklet long manis Julae mo Ogis blong givhan long ol man raonabaot long yumi long saed blong speret.
2 Sam Poen Long Buklet: Yu save faenem long lis ya aninit sam advaes we yu save yusum blong seremaot sam kaen buklet. Wetem evri haf ya, i gat (1) wan kwestin we i pulum tingting, blong statem wan storeyan, (2) ol ples long buklet we oli joen long poen ya we yumi stap tokbaot. (3) ol vas we yumi save ridim, we oli laenap gud wetem samting we yu stap tokbaot. Yu save gohed blong storeyan, folem intres we man i soem. Plante long ol buklet ya, i gat wan Kingdom Wok i soem weples yu save faenem rod we i moagud blong seremaot wan buklet.
?God i Rili Kea Long Yumi?
?Yu ting se wanem hop yumi save faenem blong givhan long olgeta we narafala i mekem i nogud long olgeta?—Pej 27, 28, haf 23-27; Aes. 65:17, 18.
“What Is the Purpose of Life—How Can You Find It?”
?From wanem plante man tede oli no haremgud long laef blong olgeta?—Pej 29, 30, haf 2, 25, 26; Sam 145:16.
“When Someone You Love Dies.”
?Yu yu bin tingbaot olsem wanem yu save leftemap tingting blong wan man we i lusum wan we hem i laekem tumas?—Pej 26, haf 2-5; Jon 5:28, 29.
“Should You Believe in the Trinity?”
?Save we yumi gat long saed blong God i impoten long fyuja blong yumi?—Pej 3, haf 3, 7, 8; Jon 17:3.
3 Sam Narafala Buklet: Wan haf we i stap wetem Kingdom Wok blong Febuwari 1998 i givim lis blong sam narafala buk mo buklet, we yu save yusum antap moa taem yumi stap prij long ol Budis, Hindu, Jyu mo Muslim. Yumi save givimaot ol buklet ya long ol man we yumi mitim, long enitaem we yumi luk se i stret. Yu save lukluk bakegen ol advaes long ol pej 4-6 long pepa ya mo tu long pej 21-24 blong buk Reasoning. Mo biaen, jusum sam sotfala fastok we oli save pulum intres blong ol man ya.
4 Sosaeti i mekem wan narafala buklet blong givhan ol man we ating oli skulgud, be oli gat smol save nomo long saed blong Baebol. Oli wokem buklet ya blong pulum ol man olsem blong wantem lukluk insaed long Tok blong God. Taem yu luk se i stret, yu save soemaot buklet ya mo talem se:
“A Book for All People.”
?Yu yu agri se, blong kasem wan gudfala edukesen, yumi nidim blong kasem sam save long saed blong Baebol?—Pej 3, haf 1-3 mo pej 30, haf 2; Ekl. 12:9, 10.
5 Buklet Blong Mekem Baebol Stadi: Oltaem, mak blong yumi long wok blong prij i blong statem wan Baebol stadi, i nating se i faswan taem we yumi luk wan man, no taem yumi visitim hem bakegen. Blong kasem mak ya, yumi gat wan buklet we i isi blong statem mo lidim sam Baebol stadi long haos blong ol man.
?Wanem Samting We God i Wantem Yumi Blong Mekem?
?Yu yu save se long wan smol taem nomo olsem 30 no 40 menet evri wik, blong 16 wik, yu save kasem bigfala save long saed blong Baebol?—Stadi 2, haf 6; 2 Tim. 3:16, 17.
6 Long pijatok blong gudfala man Sameria ya, Jisas i soem klia se wan trufala man blong givhan long ol narafala, hem i soemaot lav mo kaen fasin blong halpem olgeta we oli harem nogud. (Luk 10:27-37) Ol man raonabaot long yumi oli stap harem nogud long saed blong speret. Oli mas harem gud nyus. Yumi mas karem responsabiliti ya blong serem gud nyus ya wetem olgeta. Long rod ya, yumi pruvum se yumi ol trufala disaepol blong Jisas Kraes.—Mat. 24:14; Gal. 5:14.