Tingtingbak Long Spesel Dei Asembli

Long Miting Blong Kingdom Wok, bambae yumi yusum save ya bifo mo afta long spesel dei asembli blong sevis yia 2006. Presiden elda bambae i mekem rere haf ya, folem advaes long Kingdom Wok Blong Yumi, Ogis 2004, pej 4. Long taem blong tingtingbak ya, brata i mas askem olgeta kwestin we oli stap, mo i mas soemaot olsem wanem yumi save mekem ol save blong asembli i wok long laef blong yumi.

PROGRAM BLONG MONING

1. ?Ae we i klia gud i minim wanem, mo from wanem samting ya i hadwok tede? (“?From Wanem Yu Mas Mekem Ae Blong Yu i Klia Gud?”)

2. ?Sipos ae blong yumi i klia gud, olsem wanem samting ya i save givhan long yumi? (“Kasem Blesing From We Ae Blong Yu i Klia Gud”)

3. ?From wanem plante wok mo pleplei we ol man oli stap mekem tede, oli denja? (“Long Wol Ya We i Rabis, Yu Mas Mekem Ae Blong Yu i Klia Gud Oltaem”)

PROGRAM BLONG AFTENUN

4. ?Olsem wanem ol papa mama mo ol narafala, oli save leftemap tingting blong ol yangfala blong oli traehad blong kasem ol mak long saed blong spirit? (“Ol Papa Mama We Oli Sutum Ara Blong Olgeta i Go Stret Long Mak” mo “Ol Yangfala We Oli Traehad Blong Kasem Ol Mak Long Saed Blong Spirit”)

5. ?Olsem wanem yumi save gohed wetem ogenaesesen blong Jeova (a) yumi wanwan? (b) long famle blong yumi? (c) long kongregesen blong yumi? (“Tingting Strong Blong Gohed Wetem Ogenaesesen Blong Jeova”)