Wan Eksampol Blong Ol Yangfala Mo Ol Olfala

Noa i frengud wetem Jeova, mo i lavem hem. Hem i givim ful laef blong hem blong mekem ol samting we Jeova i wantem. “Noa i wokbaot wetem trufala God” mo God i blesem hem from. Noa i wan gudfala eksampol blong ol yangfala mo ol olfala tugeta. (Jen. 6:9, NW) Vidio kaset ya Noah—He Walked With God bambae i givhan long yu blong luksave wanem kaen laef we Noa i bin gat, from wanem i stret blong Jeova i blesem hem, mo olsem wanem yu save folem ol gudfala fasin blong hem.

Long DVD blong Noah, i gat ol kwestin blong traem save blong yu. Lukluk DVD ya, mo traem ansa long ol kwestin ya: (1) ?Ol enjel oli mekem wanem samting we i rong, mo hu ya ol Nefilim? (Jen. 6:1, 2, 4) (2) ?From wanem ol man oli kam nogud tumas, mo wanem filing blong God long saed ya? (Jen. 6:4-6) (3) ?Olsem wanem Noa i defren long ol narafala man? (Jen. 6:22) (4) ?Olsem wanem God i spolem ol rabis man? (Jen. 6:17) (5) ?Sip ya i bigwan olsem wanem? (Jen. 6:15) (6) ?Wanem narafala samting we Noa i mekem, mo wanem tingting blong ol man long saed ya? (Mat. 24:38, 39; 2 Pita 2:5) (7) ?Hamas long evrikaen anamol we oli stap long bigfala sip? (Jen. 7:2, 3, 8, 9) (8) ?Hamas dei ren i foldaon, mo hamas dei wota i kavremap wol? (Jen. 7:11, 12; 8:3, 4) (9) ?From wanem Noa mo famle blong hem oli stap sef? (Jen. 6:18, 22; 7:5) (10) ?Taem wota i godaon, bigfala sip ya i fas long weples? (Jen. 8:4) (11) ?Olsem wanem Noa i save taem we i stret blong lego sip? (Jen. 8:6-12) (12) ?Noa i mekem wanem taem hem i kamaot long sip? (Jen. 8:20-22) (13) ?Renbo i saen blong wanem? (Jen. 9:8-16) (14) ?I minim wanem blong ‘wokbaot wetem God’? (Jen. 6:9, 22, NW; 7:5) (15) ?Yumi mas mekem wanem sipos yumi wantem luk Noa long Paradaes? (Mat. 28:19, 20; 1 Pita 2:21)

?Stori ya blong Baebol long saed blong Noa, man ya we i gat strong bilif mo i obei, i tijim wanem long yu blong yu tu yu save ‘wokbaot wetem God’ mo gat bilif ya se Jeova i naf blong sevem ol man blong hem tede?—Jen. 7:1; Prov. 10:16; Hib. 11:7; 2 Pita 2:9.