?Yumi Tokbaot Wanem Long Ol Magasin?

Wajtaoa Sept. 1

“Plante man oli harem se ol sinman oli no save fren nating wetem God. ?Wanem tingting blong yu? [Letem man i ansa]. Ridim Ol Sam 65:2. Haf ya “?Olsem Wanem Blong Kam Long Man Blong Harem Prea?” i eksplenem se yumi gat wan nambawan janis blong frengud wetem Papa blong yumi long heven.”

Wekap! Jul./Sept. (Bislama)

“Plante man we oli gat wan bilif oli talem se tabu spirit i wan man. Makemgud samting we Baebol i talem long saed blong tabu spirit long Ol Wok 10:​44, 45. Magasin ya i givim tingting blong Baebol long haf ya long pej 22: ‘?Tabu Spirit i Wan Man?’”

Wajtaoa Sept. 1

“Tede plante man oli no moa intres long ol jos. ?Yu yu ting se sipos yumi go oltaem long jos, bambae ol fasin blong yumi oli kam moagud? [Letem man i ansa.] Makem tok blong Baebol. Hem i talem se long ol las dei ya ol man bambae oli traem blong faenem wan samting long ol jos. [Ridim 2 Timoti 4:​3, 4.] Magasin ya i eksplenem olsem wanem trufala wosip i givim ona long God mo i givhan long yumi.”

Wekap! Sept. (Franis/Inglis)

“Plante man oli stap asaskem sipos ol saentis oli bilif long God no nogat. ?Wanem tingting blong yu? [Letem man i ansa. Biaen, ridim Hibrus 13:4.] Spesel Wekap! ya i tokbaot pruf we i pusum sam saentis blong oli bilif se i gat wan God we i Wokem olgeta samting.”