?Yumi Tokbaot Wanem Long Ol Magasin?

Wajtaoa Ogis 1

“Yumi evriwan i lusum wan fren no famle long ded. Tok blong God Baebol i talem se long niufala wol we pis i stap long hem, bambae i no moa gat ded mo ol man bambae oli no moa harem nogud from man we i ded. Mo long taem ya, God bambae i mekem ol fren mo famle blong yumi we oli ded oli laef bakegen. [Ridim Revelesen 21:3.] !Traem tingbaot bigfala glad blong olgeta we bambae oli laef bakegen mo glad blong yumi long taem ya!”

Wekap! Jul./Sept.

Ridim Matiu 6:10. Mo askem se: “?Samtaem, yu yu stap tingbaot se samting we God i wantem i kamaot long wol ya, hem i wanem? [Letem man i ansa.] Baebol i talem se taem God i wokem faswan man mo woman, hem i gat wan stamba tingting long saed blong wol ya, mo stamba tingting ya i no jenis. Magasin ya i eksplenem.” Tokbaot haf we i stat long pej 12.

Wajtaoa Sept. 1

“Ol problem we i kamaot from we man i stap spolem ol samting raonabaot yumi, i mekem se plante man oli gat nogud tingting long saed blong fiuja blong wol. ?Wanem filing blong yu long samting ya? [Letem man i ansa. Mo ridim Ol Sam 37:11.] Magasin ya i givim ol risen we Baebol i talem, from wanem yumi save gat gudfala tingting long saed blong fiuja.”

Wekap! Jul./Sept.

Ridim mo tokbaot 2 Timoti 3:3. “Long wol ya we i fulap long raf fasin, maet yumi evriwan i save kasem wan trabol we man i wantem kilim yumi. Be maet yumi no sua sipos i stret blong ol Kristin oli faet bak blong protektem olgeta mo famle blong olgeta.” Tokbaot haf we i stat long pej 10.