?Yumi Tokbaot Wanem Long Ol Magasin?

Wajtaoa Sept. 1

“Long wol tede, samfala oli harem se oli fas long wan trap, from we i no gat lav insaed long mared blong olgeta. ?Ol man olsem oli mas lukluk i go wea blong kasem help? [Letem man i ansa.] Baebol i mekem yumi sua se ol advaes blong God oli save givhan long yumi. [Ridim Aesea 48:17, 18.] Wajtaoa ya i tokbaot ol stamba trutok blong Baebol we oli save mekem wan mared i kam gud moa.” Soemaot haf we i stap long pej 21.

Wekap! Jul./Sept.

“Maet yu yu makem se miusik i save kwaetem tingting blong yumi, pulum tingting blong yumi, mo mekem yumi haremgud. ?Long tingting blong yu, yu ting se i gud blong yusum miusik long wosip blong yumi? [Letem man i ansa. Biaen, ridim Ol Sam 28:7.]” Soemaot haf we i stap long pej 14.

Wajtaoa Okt. 1

“Bighaf blong ol man oli savegud tok blong Jisas long Matiu 6:9. [Ridim vas.] Be, plante long olgeta oli faenem se i had blong gat filing ya se God i papa blong olgeta. ?Wanem tingting blong yu? ?Olsem wanem yumi save stap klosap long God? [Letem man i ansa.] Magasin ya i tokbaot plante gudfala fasin blong Papa blong yumi long heven, mo olsem wanem blong savegud hem.”

Wekap! Okt./Dis.

“Plante oli ting se problem ya we wol i stap kam hot tumas, bambae i save spolem olgeta laef samting long wol ya. ?Yu ting se wanem i save stretem problem ya? [Letem man i ansa. Biaen, ridim Aesea 11:9.] Magasin ya i eksplenem from wanem yumi save sua se wol ya bambae i stap nomo, mo ol man bambae oli gohed blong laef long hem.”