Sipos Yu Nidim Buk Long Wan Narafala Lanwis Kwiktaem
Samtaem yumi faenem ol man we oli glad moa blong ridim buk blong yumi long wan narafala lanwis we yumi no gat long kongregesen. ?Yu yu save se sipos yu gat Intenet mo wan masin blong printim pepa, bambae yu save printim buk long eniwan long ol 400 lanwis we yumi gat long websaet? Hemia rod blong mekem olsem:
• Yu save go long adres ya , long Websaet blong yumi.
• Taem websaet ya i open, bambae yu luk long raetsaed blong hem, i gat wan lis blong sam lanwis. Yu save klik long pija blong wol, blong luk lis blong evri lanwis we i stap long websaet.
• Yu save jusum lanwis we yu wantem. Bambae yu luk wan bokis i kamaot we i talem se yu save printim ol traket, ol buklet, mo ol narafala samting we yu wantem. From we yu jusum wan lanwis, ale ol raeting bambae oli kamaot long lanwis ya. Taswe yu no mas wari sipos yu no luksave ol taetel.
• Yu save klik blong jusum eni samting we yu wantem. Ale taem samting we yu wantem i kamaot long skrin, yu save printim. Blong printim bambae yu klik long pija blong masin blong printim buk.
Long websaet blong yumi i gat sam samting nomo; sipos yu wantem sam moa buk, yu mas oda long kongregesen blong yu. Taem wan man i wantem ridim buk blong yumi oltaem, i gud blong mekem oda blong ol buk long lanwis blong hem, long ples blong ol buk long kongregesen.