Samting We i Save Halpem Ol Man

Ol trufala Kristin oli mekem wok blong talemaot gud nius long ol man. (Fil. 2⁠:17) Blong givhan long wok ya, i gat sam buklet, traket, mo sam haf blong ol magasin long 20 lanwis, oli stap long Intenet, long adres ya www.watchtower.org. Web saet ya i no blong givim ol save long ol Witnes blong Jeova. Hem i blong givim stret save long ol man we oli no Witnes, long saed blong ol tijing blong Baebol we ol Witnes blong Jeova oli tijim.

I no longtaem i pas, Sosaeti i ademap wan impoten samting long Web saet blong hem long Intenet. Hemia buklet ya ?Wanem Samting We God i Wantem Yumi Blong Mekem? long bitim 220 lanwis. Mo tu, stat long Wajtaoa Jenuware 1 mo Wekap! Jenuware 8, 2004, adres blong Web saet blong yumi bambae i stap long las pej blong ol magasin long olgeta lanwis.

?Olsem wanem yu save yusum tul ya? Maet yu mitim wan man we i luk olsem se i intres be i toktok narafala lanwis. Sipos hem i gat wan kompiuta mo Intenet, yu save soem adres ya long hem long las pej blong Wajtaoa no Wekap! Olsem nao, maet hem i save ridim buklet ya Wanem long prapa lanwis blong hem. Biaen, yu save karem wan buk i go long hem long lanwis blong hem, no yu save givim nem blong hem long wan kongregesen no grup we i toktok lanwis blong hem, blong oli save go luk hem bakegen.