?Yumi Tokbaot Wanem Long Ol Magasin?

La Tour de Garde Disemba 1

“Tede, i gat plante handred defren skul long wol. Oli tijim ol defdefren bilif we oli no laenap. Sam man oli talem se olgeta skul ya oli gud nomo, mo oli talem se i oraet blong bilif long enikaen tijing. ?Wanem tingting blong yu? [Yu save letem man i ansa.] Jisas i talem klia se i gat tu rod nomo we man i save folem long saed blong wosip we hem i mekem long God. [Yu ridim Matiu 7:13, 14.] “Yu save soem haf we i stat long pej 9.

Réveillez-vous! Oktoba-Disemba

“Tede, plante yangfala oli harem nogud, mo tingting blong olgeta i foldaon. ?Long tingting blong yu, wanem i save halpem olgeta blong winim problem ya? [Yu save letem man i ansa, mo yu ridim Sam 119:105.] Wekap! ya long pej 26, i soemaot olsem wanem Baebol i save halpem olgeta blong harem gud bakegen.”

La Tour de Garde Jenuware 1

“Plante man oli bilif se, i gat ol spirit long heven we oli waes mo oli gat paoa long laef blong yumi. ?Wanem tingting blong yu? [Yu save letem man i ansa. Biaen yu ridim Revelesen 12:7-9.] Wajtaoa ya i soemaot wanem Baebol i talem long saed blong ol spirit we oli stap long heven, sipos oli save gat paoa long laef blong yumi, mo sipos yumi save toktok long olgeta.”

Réveillez-vous! Jenuware-Maj

Yu soem fored blong magasin, mo yu askem long man se, “?Bambae yu yu ansa olsem wanem long kwestin ya? [Yu save letem man i ansa.] Baebol i pulum ol man blong oli gat pis wetem narafala. [Yu save ridim Jemes 3:17.] Ale, ?from wanem ol jos oli no mekem ol man oli joen gud? ?Ol jos oli save putum pis samtaem? Wekap! ya i ansarem ol kwestin ya.”