‘Yumi Givimaot Wan Olfala Magasin No Buklet We i Pulum Tingting Blong Man’

Long ol manis we yumi seremaot buk ya Baebol Tijim, yumi askem long ol man we yumi prij long olgeta blong oli stadi Baebol. Maet yumi faenem wan man we i gat buk ya finis be i no wantem stadi. Sipos i olsem, i gud yumi “givimaot wan olfala magasin no buklet we i pulum tingting blong hem.” ?From wanem?

Ol buklet mo ol olfala magasin oli tokbaot plante save we oli stret gud long taem blong yumi. Maet wan long ol save ya i tajem hat blong man we yu prij long hem. Taswe, i gud yu fulumap sam buklet mo sam olfala magasin long basket blong yu. Sipos yu no gat olfala magasin, maet yu save karem sam long ples blong ol buk long Haos Kingdom. Ale, sipos man we yu prij long hem i gat buk ya Baebol Tijim, be hem i no wantem stadi, yu save soem sam long ol magasin mo buklet ya. Mo yu save askem long hem blong i jusum hemia we hem i wantem ridim. Biaen, yu save mekem plan blong gobak mo storian wetem hem. Maet bambae hem i wantem stadi long Baebol.