Ol Fastok

Wajtaoa Jenuware 1

“?Samtaem yu yu tingbaot from wanem i gat plante disasta i stap kasem yumi? [Yu letem man i ansa.] Baebol i talemaot longtaem bifo finis se bambae i gat plante disasta long taem blong yumi. [Yu ridim Matiu 24:7, 8.] Wajtaoa ya i ansa long ol kwestin ya se: ?From wanem yumi stap luk plante disasta long taem blong yumi? ?Ol disasta ya oli panis we i kam long God? ?From wanem yumi save bilif strong se God bambae i finisim olgeta disasta i no longtaem?”

Wekap! Jenuware-Maj

Yu ridim 2 Timoti 3:16. Biaen yu talem se: “Samfala oli bilif se Baebol i kamaot long God, be sam narafala nogat. ?Wanem tingting blong yu? [Yu letem man i ansa.] I tru i gat plante defren tingting long kwestin ya. Be plante man oli agri se i no gat wan narafala buk we ol man oli traehad blong spolem, olsem Baebol. Wekap! ya i tokbaot wanem we samfala oli mekem blong spolem Baebol, mo oli blokem ol man blong oli no ridim ol tok blong Baebol long ol yia we i pas. Mo i tokbaot tu from wanem Baebol i stap yet.”