Ol Fastok

Blong Statem Ol Baebol Stadi Long Fas Sarede Blong Manis Jenuware

“Plante man oli stap wet blong luk Jisas i kambak. Sipos Jisas i kambak, ?wanem samting we yu yu wantem se hem i mekem?” Yu letem man i ansa. Biaen, yu soem haf we i stap biaen long Wajtaoa blong Jenuware–Maj. Nao yu tokbaot fashaf we i stap aninit long fas kwestin mo yu ridim wan long ol vas we i stap. Yu givim magasin long hem, mo yu mekem plan blong gobak mo tokbaot nekis kwestin.

Wajtaoa Jenuware–Maj

“?Long tingting blong yu, wanem giaman tijing we ol man oli talem long saed blong God? [Yu letem man i ansa.] Baebol i talem se, God i wantem we ol man oli lavem hem mo oli trastem hem. [Yu ridim Aesea 41:13.] Wajtaoa ya i soemaot tri giaman tijing long saed blong God, we oli pulum ol man oli gowe long God.”

Wekap! Jenuware–Maj

“Mifala i pas long haos blong yu tede, from we mifala i luk se ol man oli wari, se gudfala fasin i stap lus. ?Yu ting se ol man oli no moa mekem gudfala fasin? [Yu letem man i ansa.] Baebol i talemaot finis se tingting mo fasin blong ol man bambae i jenis. [Yu ridim 2 Timoti 3:1-5.] Wekap! ya i tokbaot from wanem yumi save trastem ol gudfala fasin we Baebol i tokbaot.”