Yu Mas Rere Fastaem Blong Yu Save Tij Gud

Tu taem, ol man oli askem kwestin long Jisas long saed blong laef we i no save finis. Be Jisas i givim tu defren ansa, folem samting we man we i askem i nidim. (Luk 10:25-28; 18:18-20) Taswe, nating se yumi save finis ol samting we i stap long buk blong stadi, be yumi mas reregud folem samting we studen i nidim. ?Wanem ol poen we maet i had blong hem i kasem save? ?Wanem ol vas we i gud blong ridim? ?Bambae yutufala i stadi long hamas haf? Maet yu mas rerem wan pijatok, no ol tok blong eksplenem wan samting, no ol kwestin we bambae oli givhan long studen blong i kasem save. Antap long hemia, yumi mas tingbaot se Jehova nao i mekem sid blong trutok i gru long hat blong man. Taswe, yumi mas askem long Jehova blong i blesem yumi taem yumi rerem stadi, mo taem yumi traehad blong givhan long studen blong i fren gud wetem Jehova. Mo yumi askem long Jehova blong i blesem studen tu.—1 Kor. 3:6; Jem. 1:5.