Jehova i No Save Tanem Baksaed Long Man We i Tanem Tingting

Deved i raetem Ol Sam japta 51, afta we profet Natan i tok long hem from sin we hem i mekem wetem Batseba. Tingting blong Deved i stikim hem, nao hem i talemaot sin blong hem.​—2Sa 12:​1-14.

Deved i mekem sin, be i gat rod blong hem i fren gud bakegen wetem Jehova

51:​3, 4, 8-12, 17

• Bifo we hem i tanem tingting mo i talemaot sin blong hem, tingting blong hem i stikim hem

• Hem i harem nogud tumas olsem wan man we ol bun blong hem oli slak, from we God i no glad long hem

• Hem i wantem tumas blong Jehova i fogivim hem, blong i fren gud bakegen wetem hem, mo blong i kasem glad we hem i gat fastaem

• Wetem tingting daon hem i askem strong long Jehova blong i givhan long hem blong i rere oltaem blong obei

• Hem i sua fulwan se Jehova i fogivim hem