OL GUDGUDFALA SAMTING LONG BAEBOL | JEREMAEA 51-52
Ol Tok Blong Jehova Oli Kamtru Stret Olsem We Hem i Talem
Jehova i talemaot stret samting we bambae i kamtru long fiuja
Wan man blong sut long bonara we i gad long haos blong king blong Pesia
“Sapenemgud ol ara”
Ol man Media mo Pesia oli yusum bonara plante, mo oli savegud olsem wanem blong yusum. Oli smutum gud ol ara blong olgeta blong mekem se i save go dip insaed long bodi blong man
‘Ol strongman blong Babilonia oli no moa save faet’
Wan toktok we i stap long ston ya Nabonidus Kronikel i se: “Ol ami blong Sirus oli go insaed long Babilon we oli no faet nating.” Samting ya i laenap wetem profet tok blong Jeremaea
Nabonidus Kronikel
‘Babilon bambae i kam hip blong ol ston mo i stap olsem nomo gogo i no save finis’
Stat long yia 539 Bifo Kraes, ol gudfala samting blong Babilon oli stat blong lus. King Aleksanda i wantem mekem taon blong hem long Babilon, be samtaem biaen hem i ded. Long ol faswan handred yia, sam man Jiu oli laef yet long ples ya, taswe aposol Pita i go long Babilon blong visitim olgeta. Be long yia 300 Kristin Taem, taon ya i nogud olgeta, mo sloslo i lus