Gohed Blong Yusum Ol Magasin

Stat long 2018, wanwan pablik magasin i kavremap wan topik, long stat kasem en. Olgeta magasin ya oli stap long Tijing Tulboks. Taswe yumi save yusum olgeta blong prij. Maet yumi save tekem sam kopi wetem yumi, taem yumi travel o go long stoa. Oli no wokem ol magasin ya blong mekem Baebol stadi wetem ol man, be oli save pulum intres blong man blong wantem save God.

Afta we yu statem storian wetem man, soem wan vas mo tokbaot wan topik insaed long magasin we i stret long man ya. Eksampol, sipos hem i gat pikinini o i lusum wan long ded o i stap wari, maet yu save talem se: “Mi bin ridim wan gudfala atikol long topik ya. ?Mi save soem long yu?” Sipos yu luk se hem i intres, yu save givim wan kopi blong magasin ya long hem o sanem elektronik kopi long hem, nating se hemia faswan taem we yu prij long hem. Nating se mak blong yumi i no blong givimaot ol buk mo magasin nomo, be maet ol magasin ya oli halpem yumi blong faenem olgeta we oli wantem folem samting we oli lanem.—Wok 13:48.

2018

2019

2020