I No Had Blong Gat Strong Tingting

Man we i no fraet, i gat strong tingting, i tok stret, mo i gat paoa. Hemia i no min se hem i neva fraet. Be hem i mekem samting we God i wantem nating se hem i fraet. Jehova i stamba blong strong tingting. (Sam 28:7) ?Olsem wanem ol yangfala oli save soemaot strong tingting?

WAJEM VIDEO YA, !NO FRAET BE GAT STRONG TINGTING! BIAEN ANSA LONG OL KWESTIN YA:

• ?Wanem sam situesen we ol yangfala oli fesem we oli nidim strong tingting?

• ?Wanem sam stori long Baebol we i save halpem yumi blong gat strong tingting?

• Taem yumi gat strong tingting, ?olsem wanem hemia i halpem yumi mo ol man we oli stap lukluk yumi?