Ol Sista Oli Save Mekem Moa Wok Blong Jehova

Ol sista oli givhan plante long wok blong Kingdom. (Sam 68:11) Bighaf blong ol Baebol stadi, ol sista nao oli mekem, mo plante long ol fultaem paenia, hemia ol sista. Plante taosen sista oli wok had long Betel, long misinari wok, konstraksen, mo wok olsem transleta. Ol sista we oli bigman long spirit, oli givhan long famle blong olgeta mo kongregesen blong olgeta. (Pro 14:1) Nating se ol sista oli no save mekem wok blong elda o man blong givhan, be oli stil save putum sam mak long kongregesen. Sipos yu yu wan sista, ?wanem sam moa samting we yu save mekem long wok blong Jehova?

• Wokem ol gudfala fasin. —1Ti 3:11; 1Pi 3:3-6

• Halpem ol sista long kongregesen, we oli nogat plante ekspiriens. —Tae 2:3-5

• Traem spenem moa taem long wok blong prij mo kamgud moa long hem

• Lanem wan narafala lanwis

• Muv i go long ples we i gat nid

• Fulumap fom blong wok long Betel o givhan long wok blong konstraksen

• Fulumap fom blong joen long Skul Blong Ol Man Blong Talemaot Kingdom

WAJEM VIDEO YA “OL WOMAN OLI WOK STRONG LONG WOK BLONG MASTA,” BIAEN ANSA LONG KWESTIN YA:

• ?Toktok blong ol sista ya i leftemap tingting blong yu olsem wanem?