Traehad Blong Kasem Ol Mak Long Taem Blong Memoriol

Evri yia, ol man blong Jehova oli glad tumas blong joen wanples blong mekem Memoriol. Long ol wik bifo mo afta long Memoriol, yumi tekem evri janis blong presem Jehova mo talem tangkiu from ransom sakrefaes. (Ef 1:3, 7) Yumi wok had blong singaot ol man oli kam long Memoriol. Long manis Maj mo Eprel, samfala oli jenisim sam samting long laef blong olgeta blong oli save mekem 30 o 50 aoa, long wok blong haftaem paenia. ?Olsem wanem? ?Yu tu yu glad blong spenem moa taem long wok blong prij? ?Wanem i save givhan long yu blong mekem olsem?

Sipos yumi mekem plan fastaem, plante taem yumi save mekem moa wok. (Pro 21:5) I gud yumi stat blong mekem plan naoia, from we Memoriol i stap kam klosap. Tingbaot olsem wanem blong mekem moa long wok blong prij, mo faenemaot samting we yu mas mekem blong kasem ol mak blong yu. Nao askem long Jehova blong i blesem plan blong yu.—1Jo 5:14, 15.

?Yu save mekem wanem blong prij moa long taem blong Memoriol?