LAEF BLONG OL KRISTIN

Soemaot Lav Oltaem Olsem Jehova

Jehova i beswan eksampol blong fasin ya blong lavem man oltaem. (Sam 103:11) Lav ya i no jes wan filing we i stap smoltaem nomo afta i lus, be hem i wan dip filing we i save stap longtaem. Jehova i soemaot fasin ya long ol man Isrel, long plante defren rod. Hem i tekemaot olgeta long Ijip mo lidim olgeta i go long Promes Lan. (Sam 105:42-44) Hem i faet long bihaf blong ol man blong hem mo i gohed blong fogivim olgeta nating se oli mekem sin. (Sam 107:19, 20) Taem yumi “tingting gud long ol samting we Jehova i mekem blong soemaot fasin blong hem blong lavem man oltaem,” hemia i pulum yumi blong wantem folem fasin blong hem.—Sam 107:43.

Ol pija: Ol pija blong video ya “Luksave Fasin Blong Jehova We Oltaem Hem i Lavem Man Tumas.” 1. Brata Capra mo wan narafala brata i visitim wan sista. 2. Brata Capra i stap long kalabus wetem sam narafala brata, oli givim sam kakae long wan brata we i sik.

WAJEM VIDEO YA “LUKSAVE FASIN BLONG JEHOVA WE OLTAEM HEM I LAVEM MAN TUMAS,” BIAEN ANSA LONG OL KWESTIN YA:

?Olsem wanem yumi save soemaot se yumi lavem man oltaem?

Your answer
?From wanem yumi mas mekem sam sakrefaes sipos yumi wantem soemaot lav oltaem?

Your answer