LAEF BLONG OL KRISTIN
Ol Man Blong Lukaot Sipsip Oli Lukaot Gud Long Ol Man Blong Jehova
Plante man oli gat nogud tingting long olgeta we oli gat otoriti o paoa. ?From wanem? From we longtaem finis i kam ol man oli stap yusum otoriti blong olgeta long fasin we i no stret, oli tingbaot olgeta nomo. (Mae 7:3) Yumi glad tumas we ol elda long kongregesen oli kasem trening blong yusumgud otoriti we oli gat blong halpem ol man blong Jehova.—Est 10:3; Mt 20:25, 26.
Ol elda oli defren long ol haeman blong wol. Olgeta oli mekem wok ya blong lukaot long ol narafala from we oli lavem Jehova mo ol man blong hem. (Jon 21:16; 1Pi 5:1-3) Folem daereksen blong Jisas, ol elda oli givhan long wanwan pablisa blong harem se oli pat blong famle blong Jehova mo blong oli stap klosap long Hem. Mo tu, oli kwik blong givhan long saed blong spirit mo taem i gat wan emejensi o wan disasta. Sipos yu nidim help, yu no mas fraet blong toktok wetem wan elda long kongregesen blong yu.—Jem 5:14.
WAJEM VIDEO YA OL MAN BLONG LUKAOT LONG OL SIPSIP, MO ANSAREM OL KWESTIN YA:
?Samting we ol elda oli mekem i givhan olsem wanem long Mariana?
?Samting we ol elda oli mekem i givhan olsem wanem long Elias?
Afta we yu wajem video ya, ?wanem tingting blong yu long wok blong ol elda?