Droem Ol Pija Blong Yu Tingbaot Samting We Yu Ridim

Plante long yumi i faenem i had blong tingbaot samting we yumi stadi long hem. ?Yu yu makem se Jisas i yusum ol pijatok we oli isi? Hemia i mekem se yumi save tingbaot ol samting we hem i tijim. Long sem fasin, yu save tingbaot samting we yu ridim, taem yu pijarem wanem we yu ridim. ?Yu save mekem samting ya olsem wanem? Yu save mekem olsem taem yu droem ol pija.

Plante man we oli droem pija blong ol niufala samting we oli lanem, plante taem oli tingbaot gud ol samting ya. Taem oli droem ol pija, hemia i no halpem olgeta nomo blong tingbaot ol toktok, be blong oli tingbaot ol men poen tu we oli lanem. Ol pija we oli droem, oli ol isi droing nomo. Mo ol pija oli halpem ol olfala blong tingbaot samting we oli lanem.

Nekis taem we yu stadi, maet yu save droem sam pija blong ol samting we yu lanem. !Maet bambae yu sapraes long ol samting we yu save tingbaot!