Folem Wan Program Blong Ridim Baebol Evri Dei

From we laef blong yumi evriwan i bisi, ?samtaem yu faenem i had blong folem wan program blong ridim Baebol evri dei? (Jos. 1:8) Sipos yes, i gud yu traem folem wan long ol advaes ya:

• Putum wan rimaenda long fon blong yu. Putum wan alam long fon blong yu blong mekem yu tingbaot blong ridim Baebol.

• Putum Baebol blong yu long wan ples we yu save luk. Sipos yu stap yusum wan had kopi blong Baebol, i gud yu putum long wan ples we bambae yu luk evri dei.—Dut. 11:18.

• Lesin long ol odio rikoding. Yu save lesin long ol odio rikoding blong Baebol taem yu stap mekem ol wok long haos. Tara, wan mama we i wan paenia mo i stap wok long naet, i talem se: “Mi stap lesin long ol odio rikoding blong Baebol taem mi mekem ol wok long haos. Hemia i halpem mi blong mi no mestem blong ridim Baebol evri dei.”

• Yu no givap. Sipos sam samting i blokem yu blong ridim Baebol long taem we yu plan blong mekem, yu ridim sam vas bifo we yu slip. Nating se yu ridim sam vas nomo, be hemia bambae i givhan long yu.—1 Pita 2:2.