?Yu Save Mekem Wanem Taem Yu Mas Stap Yu Wan, Longwe Long Ol Narafala?

?Yu harem nogud blong stap yu wan? Maet yu harem olsem man we i raetem Sam ya: “Mi olsem wan pijin we i no gat fren blong hem, we hem i stap sidaon antap long haos.” (Ol Sam 102:7) Waes we i stap long Baebol i save givhan long yu taem yu no save go joen wetem ol narafala.

• Kam klosap long God

• Ridim ol vas blong Baebol we oli leftemap tingting

• Kasem save mining blong ol samting we i stap hapen long wol

• No wari tumas

• Toktok long ol fren

• Mekem eksasaes

Kam klosap long God

Nating se yu stap yu wan, yu save glad sipos yu luksave se yu nidim God long laef blong yu, mo sipos yu traehad blong kam klosap moa long hem. (Matiu 5:3, 6) Hemia sam samting we yu save yusum, mo yu no pem olgeta.

• Wan Baebol long Intenet we i isi blong ridim mo ol tok blong hem oli stret

• Sam sot video long ol stamba tijing blong Baebol

• “Ansa We Baebol i Givim”—Ansa blong plante kwestin we ol man oli askem

• “Folem Fasin Blong Bilif Blong Olgeta”—Kasem save long laef blong ol gudfala man mo woman long Baebol

• “?I Gat Wan Man We i Wokem Ol Samting Ya?”—Hemia i tokbaot ol naesfala samting we God i krietem

Ridim ol vas blong Baebol we oli leftemap tingting

Ol vas ya oli givhan long plante man blong oli harem gud bakegen. I nogud yu ridim evriwan wantaem. I moa gud yu yusum taem ya we yu stap yu wan, olsem janis blong tingting dip long wanwan vas mo prea.—Mak 1:35.

• Ol Sam 23:1-6

• Ol Sam 34:1-22

• Ol Sam 46:1-11

• Ol Sam 63:6-8

• Ol Sam 91:1-6

• Matiu 6:25-34

• 2 Korin 1:3, 4

• Filipae 4:6, 7

• 1 Pita 5:6, 7

Kasem save mining blong ol samting we i stap hapen long wol

I moa isi blong winim trabol ya sipos yu save from wanem i kamaot, mo olsem wanem God bambae i stretem.—Aesea 65:17.

• ?From wanem God i letem ol man oli safa?

• ?Baebol i talem wanem long saed blong ol sik mo gud helt?

• ?Wanem ya saen blong ol las dei?

• ?Hu ya ol fo man we oli ron long hos long Revelesen?

• ?Kingdom blong God bambae i mekem wanem?

No wari tumas

Ol haf ya biaen oli save givhan long yu blong yu no harem nogud tumas taem yu mas stap yu wan, mo blong yu “stop blong wari tumas.”—Matiu 6:25.

• ?Yu save mekem wanem taem yu wari?

• Holem wan gudfala tingting

• Wari from ol denja

• Wari long saed blong mane

• Ol samting we ol yangfala oli wari from

Toktok Long Ol Fren

Ol fren oli save givhan long yu long saed blong tingting mo filing. Ol fren oli impoten moa taem yu no save goaot mo joen wetem ol narafala. Sipos yu mas stap long haos, maet yu save toktok long olgeta long fon o video, blong yu save gohed blong fren gud wetem olgeta, mo maet yu save faenem sam niufala fren tu. Ol haf we oli kam biaen oli save givhan long yu blong yu faenem ol gudfala fren, mo blong yu tu yu wan trufala fren.—Ol Proveb 17:17.

• ?Yu yu wan gudfala fren?

• ?I gud blong gat plante moa fren?

• ?Olsem wanem sipos yu harem se yu no gat fren?

• Yu yu wan gudfala fren taem yu glad blong givim samting

• Soemaot se yu glad long ol fren blong yu

Mekem eksasaes

Baebol i talem se: “Fasin ya blong eksasaes, i save givhan long man.” (1 Timoti 4:8, futnot) Eksasaes i save mekem tingting blong yu i klia mo yu glad moa, speseli taem yu mas stap yu wan longwe long ol narafala man. Nating se yu stap long haos nomo, be i gat sam samting we yu save mekem blong trenem bodi.

• Muvmuvum bodi

• Wokem wan strong bodi mo strong tingting