?Olsem Wanem Blong Stap Glad Taem Yu Fesem Ol Trabol?—?Baebol i Talem Wanem?

Tede, i gat plante samting long laef blong yumi we yumi no save kontrolem. Be plante taem, fasin blong yumi blong stap glad i no dipen long wanem trabol we yumi fesem, be i dipen long tingting we yumi gat. Baebol i talem se “olgeta we oli stap glad oltaem, i olsem we oli lafet olwe,” nating se oli stap fesem sam trabol. (Ol Proveb 15:15, Baebol Long Bislama) ?Yumi save mekem wanem blong stap glad oltaem? Traem luk sam advaes blong Baebol we i save givhan long yu.

No wari bitim mak

Baebol i talem se: “Taem wan man i stap wari, hat blong hem i hevi, be gudfala toktok i save mekem hem i harem gud bakegen.”—Ol Proveb 12:25.

• Baebol i save givhan long yu blong yu no wari bitim mak. Blong save moa, ridim atikol ya “?Baebol i Talem Wanem Long Saed Blong Ol Wari?”

Traehad blong winim filing ya se yu stap yu wan

Baebol i talem se: “Wan tru fren i soemaot lav oltaem, mo hem i wan brata we i kamtru long yu long taem blong trabol.”—Ol Proveb 17:17.

• Ol advaes blong Baebol oli save halpem yu blong fren gud moa wetem ol narafala, mo hemia bambae i mekem se yu no moa gat filing ya se yu stap yu wan. Yu save ridim atikol ya “Fren Gud Wetem Narafala Blong Winim Filing Ya Se Yu Stap Yu Wan—Baebol i Save Givhan.”

Lavem God mo ol man

Baebol i talem se: “Yu mas lavem Jehova we i God blong yu, long olgeta hat blong yu mo long olgeta sol blong yu mo long olgeta tingting blong yu. . . . Yu mas lavem neba blong yu olsem we yu lavem yu wan.”a—Matiu 22:37-39.

• Prea i save givhan long yumi blong yumi lavem God moa. Blong save moa, ridim atikol ya “?God i Harem Ol Prea Blong Yumi?”

• Yumi soemaot se yumi lavem ol narafala taem yumi folem Nambawan Rul we Jisas i tijim long yumi. Blong save moa, ridim atikol ya “?Jisas i Talem Se Yumi Mas Mekem Olsem Wanem Long Ol Narafala?”

Blong faenemaot moa olsem wanem Baebol i save givhan long yu blong stap glad taem yu fesem ol trabol, mifala i glad sipos yu askem wan fri Baebol kos long mifala.