?I Tru Se God i Wan Paoa Nomo?

Ansa we Baebol i givim

God i yusum bigfala paoa blong hem long heven mo long wol. Baebol i tokbaot olsem wanem God i mekem plante bilian sta long skae. Hem i se: “!Yufala i traem luk antap long skae! Ol sta ya we yufala i stap luk, hem nomo i wokem olgeta. Oltaem hem [God] i stap lidim olgeta i kam, olsem we komanda i lidim ol soldia blong hem. Hem i savegud hamas sta i stap, mo i stap singaot olgeta wanwan long nem blong olgeta. Mo from we paoa blong hem i strong we i strong, neva wan sta i mestem ples blong hem.”—Aesea 40:25, 26.

God i no jes gat wan bigfala paoa nomo. Baebol i talem se hem i gat filing, olsem lav mo harem nogud. (Ol Sam 11:5; Jon 3:16) Mo tu, Baebol i soemaot se fasin blong ol man, i save mekem God i glad, no i harem nogud.—Ol Sam 78:40, 41.