?I Tru Se Jisas Nao i God Ya We i Gat Olgeta Paoa?

Ansa we Baebol i givim

Ol man oli agensem Jisas from we oli se Jisas i mekem olsem se hem i God. (Jon 5:18; 10:30-33) Be, neva Jisas i talem se hem i sem mak long God ya we i gat Olgeta Paoa. Hem i talem se: ‘Papa blong mi i hae moa long mi.’—Jon 14:28.

Ol man blong Jisas long taem bifo, oli no luk Jisas olsem se hem i sem mak long God ya we i gat Olgeta Paoa. Eksampol, aposol Pol raetem se afta we Jisas i laef bakegen, God “God i leftemap hem [Jisas], i givim wan posisen long hem we i hae.” Blong talem stret, Pol i no bilif se Jisas i God ya we i gat Olgeta Paoa. Mo sipos Jisas i God ya we i gat Olgeta Paoa, ?olsem wanem God i save givim wan hae posisen long hem?—Filipae 2:9.