!Plante Tumas Buk!

Waes King Solomon blong bifo, i raetem se: “Man i mekem plante buk, i no gat en long wok ya.” (Eklesiastis 12:12) Long Briten long yia 1995, oli raetem wan nyufala buk blong evri 580 man long kantri ya, hemia i bitim ol narafala kantri long wol. Oli raetem 95,015 buk. Jaena, kantri ya we i gat moa man long hem i bitim ol narafala kantri long wol, hem i namba tu wetem 92,972 nyufala buk. Jemani i namba tri (67,206 nyufala buk), Yunaeted Stet i biaen long hem (49,276), mo Franis (41,234) i biaen bakegen. Wan nyuspepa blong London, The Daily Telegraph, i talem se: “Risen from wanem namba long Briten i hae moa long ol narafala kantri blong wol, hemia from Engglis lanwis nomo.”

Ol ripot oli soemaot se namba blong ol buk we oli salem long ol stoa i stap godaon blong sam yia nao. Naoia, 80 pesen nomo blong ol bigman long Briten oli pem wan buk no moa long wan buk, long wan yia. ?Ol man oli ridim ol buk we oli pem?

Wan buk we plante man oli gohed blong pem mo ridim, hemia Baebol. Naoia, oli wokem fulwan Baebol no haf blong hem long bitim 2,120 lanwis. Sipos yu no gat wan Baebol, askem ofis blong Watch Tower Society we i stap kolosap long ples blong yu blong sanem wan i kam long yu. Sipos yu gat wan Baebol, openem mo jekem ol vas we oli stap long Wajtaoa ya. Sipos yu mekem olsem, bambae yu faenemaot save ya blong Baebol we i save givim laef.