Fulap man oli laekem Jon. Hem i gat wan gudfala bodi, mo toktok blong hem i gud. Oli wokem klos blong hem long hea blong kamel, mo hem i werem strap we oli wokem long skin blong buluk. Hem i stap kakae lokis mo eg blong sugabag we oli stap olbaot long bus. ?Mo wanem mesej blong hem? “Yufala i mas tanem tingting blong yufala from ol sin blong yufala, from we [Kingdom blong heven, NW] i kam kolosap nao.”

Mesej blong Jon se “[Kingdom blong heven, NW] i kam kolosap nao,” i stap talemaot long ol man se King ya we Jeova i makemaot hem finis, Jisas Kraes, kolosap nao hem i statem minista wok blong hem. Jon 1:6-8, 15-28; Matyu 3:1-12; Luk 3:1-18; Ol Wok 19:4.