“Yumi No Lego”

4:16-18

Traem tingbaot tu famle we oli laef long wan semfala bilding we i olfala mo i roten. Wan famle i harem nogud mo tingting i foldaon. Be narafala famle i glad. ?From wanem? From we oli save se bambae oli muv i go long wan niufala haos.

Nating se “olgeta samting we God i mekem, olgeta evriwan oli stap krae mo oli stap harem nogud tumas kam kasem naoia,” be ol man blong God oli gat wan hop we i leftemap tingting blong olgeta. (Ro 8:22) Taem yumi skelem laef blong niufala wol wetem ol trabol we yumi stap kasem naoia mo we oli stap longtaem finis, yumi luk se “oli smol nomo, mo oli no save stap longtaem.” Taswe taem tingting blong yumi i stap strong long ol blesing blong kingdom long fiuja, hemia i halpem yumi blong stap glad mo yumi no lego.