Ol Vidio Kaset We Oli Stap Long DVD
DVD we nem blong hem Transfusion Alternatives—Documentary Series, i karem tri vidio kaset insaed long hem. Oli mekem vidio kaset ya Transfusion-Alternative Strategies—Simple, Safe, Effective blong ol dokta mo blong ol studen we oli stap tren blong kam dokta mo nes, taswe long kaset ya oli soemaot moa ol samting we i hapen long ol hospital i bitim long tufala narafala kaset. Oli wokem kaset ya Transfusion-Alternative Health Care—Meeting Patient Needs and Rights blong olgeta we oli stap raetem ol niuspepa long saed blong helt, mo blong ol haeman long saed blong helt, mo blong ol man we oli givhan long ol narafala long taem blong trabol, mo blong ol jaj. Kaset ya i tokbaot olsem wanem blong givhan long ol sikman, mo long semtaem, luksave se loa i givim raet long olgeta blong jusum tritmen we oli wantem. Kaset ya No Blood—Medicine Meets the Challenge i blong evri man. DVD ya i stap long Inglis, ol toktok i stap long ol narafala lanwis tu, olsem Franis, Japan, Jemani, Itali, Potugal (Brasil), Rasia, mo Spen. Plis yu no mas fraet blong soem DVD ya long dokta blong yu, ol Baebol studen blong yu, hasban no waef blong yu no famle blong yu we oli no Witnes, ol tija, ol fren blong yu long ples blong wok mo long skul.