?Wanem Ya Tru Lav?

Jehova i mekem mared, blong man mo woman i stap tugeta blong olwe. (Jen 2:22-24) Man o woman i save divos nomo sipos waef o hasban blong hem i slip wetem narafala man o woman. (Mal 2:16; Mt 19:9) Jehova i wantem se mared i hapi, taswe hem i givim sam gudfala advaes blong givhan long ol Kristin blong oli jusum gud man o woman we bae oli maredem mo blong oli gohed blong mekem se mared blong olgeta i stap gud oltaem.—Pri 5:4-6.

WAJEM VIDEO YA ?WANEM YA TRU LAV? MO BIAEN YU ANSA LONG OL KWESTIN YA:

• 

  ?From wanem advaes we Frank mo Boni i givim long gel blong tufala Lis, i waes mo i soem lav?

• ?From wanem i no waes blong ting se yu save jenisim gel o boe we yu stap frenem?

• ?Wanem waes advaes we Pol mo Prisila i talem long Lis?

• 

  ?From wanem i gat problem long mared blong Sak mo Meiken?

• 

  ?Wanem ol semfala mak we Jon mo Lis i gat?

• ?From wanem yu mas save “ol samting we oli stap long hat” blong wan man o woman bifo we yu maredem hem? (1P 3:4)

• ?Wanem ya tru lav? (1Ko 13:4-8)