?Yu Save Trastem Baebol?

SIPOS yu tekem Baebol, ?bambae yu gat tingting blong faenem wan mane? ?Olsem wanem long selva mane ya blong bifo?

Plante man oli tingbaot Baebol olsem wan olfala buk we i tokbaot ol store we oli blong pulum tingting mo ol gudfala klin fasin. Be, oli no bilif se ol store blong Baebol oli stretgud wetem histri, taswe oli no bilif se hem i Tok blong God. Be, i gat plante pruf we i soem se Baebol i stret. Mane ya (oli mekem i kam bigwan) i wan gudfala eksampel. ?Ol tok we oli stap long hem oli talem wanem?

Mane ya oli wokem long Tasas, wan taon we i stap long saotis blong kantri ya we naoia oli kolem Teki. Mane ya oli wokem long taem ya we man Pesia ya, Mazaeus hed gavman i stap rul biaen long yia tri handred B.K.T. Hem i makemaot hem olsem hed gavman long distrik “Longwe long Reva ya,” hemia, Reva Yufretes. ?Be from wanem yumi intres long tok ya?

From we bambae yu faenem sem ples ya long Baebol blong yu. Esra 5:​6–6:13 i tokbaot Darias, King blong Pesia mo wan hed gavman nem blong hem Tattenai. Tokbaot taem ya we ol man Jyu oli stap wokem bakegen tempel blong olgeta long Jerusalem. Esra i gat gudhan blong mekem kopi long Loa blong God, mo bambae yu tingting se hem i mas raetem samting we i stret. Bambae yu luk long Esra 5:6 mo 6:13 se hem i tokbaot Tattenai se “hed gavman longwe long Reva.”

Esra i raetemdaon tok ya kolosap 460 B.K.T., kolosap 100 yia bifo we oli wokem mane ya. Maet, sam man oli ting se ples blong wan haeman bifo olsem, hem i nating nomo. Be sipos yu trastem ol man blong raetem Baebol long ol smosmol samting olsem, bambae yu save trastem moa ol narafala samting we oli raetem.

Long tufala faswan haf blong magasin ya, bambae yu faenem sam narafala risen blong trastem olsem.

[Foto Credit Line blong pija long pej 32]

Collection of Israel Dept. of Antiquities Exhibited & photographed Israel Museum