Stadi 11
Glad Blong Toktok
Rom 12:11
?I MINIM WANEM? Sipos yu toktok olsem we faea i laet long tingting blong yu, bambae yu leftemap tingting blong ol man mo pulum olgeta blong oli tekem aksen.
?OLSEM WANEM BLONG MEKEM?
Ol save i mas tajem hat blong yu fastaem. Taem yu stap rerem tok blong yu, tingbaot from wanem tok ya i impoten. Stadi gud long ol save we bambae yu tokbaot, hemia bambae i givhan long yu blong toktok wetem fulhat.
Tingbaot olsem wanem blong tajem hat blong ol narafala. Tingting dip olsem wanem ol tok we yu ridim o tijim long ol narafala, bambae i givhan long olgeta. Tingbaot sam rod blong mekem se save ya i givhan long ol man.
Mekem tok blong yu i laef. Toktok olsem we faea i laet long tingting blong yu. Muvum han mo bodi long fasin we oli soemaot filing blong yu, mo soemaot samting ya long fes blong yu tu.