GOBAK VISITIM MAN
LESEN 8
Gat Longfala Tingting
Stamba Trutok: “Man we i gat lav, hem i gat longfala tingting.”—1 Kor. 13:4.
?Jisas i Mekem Wanem?
1. Wajem VIDEO, o ridim Jon 7:3-5 mo 1 Korin 15:3, 4, 7. Biaen askem ol kwestin ya:
?Fastaem ol brata blong Jisas oli gat wanem tingting long mesej we hem i stap talemaot?
?Wanem i soemaot se Jisas i gohed blong traem halpem brata blong hem Jemes?
?Yumi Lanem Wanem Long Eksampol Blong Jisas?
2. Yumi mas gat longfala tingting from we sam man oli tekem moa taem i bitim ol narafala blong akseptem gud nius.
Folem Eksampol Blong Jisas
3. Traem wan defren rod. Sipos long stat, wan man i no agri blong stadi Baebol, i nogud yu fosem hem. Sipos yu luk se i stret, yusum ol video o ol atikol blong halpem hem blong i kasemsave olsem wanem blong mekem Baebol stadi, mo olsem wanem hemia i save givhan long hem.
4. No komperem man. Evri man i no sem mak. Sipos wan famle blong yu o wan visit i no wantem stadi Baebol, o i no wantem akseptem wan tijing blong Baebol, i gud yu traem faenemaot from wanem i olsem. ?I gat wan bilif blong jos we hem i tinghae moa long hem? ?Ol famle o ol neba oli stap agensem hem? I gud yu givim taem long hem blong i tingting long ol samting we yu talem, mo blong hem i luksave se samting we Baebol i talem, i trutok.
5. Prea from man we i intres. Askem Jehova blong i halpem yu blong yu gohed blong gat stret tingting long man we i intres mo toktok long fasin we i waes. Prea blong Jehova i halpem yu blong luksave taem wan man i no rili intres, mo wetaem yu mas stop blong visitim hem.—1 Kor. 9:26.