Tokbaot Samting We Man i Intres Long Hem

?Jisas i Mekem Wanem?

VIDEO: Jisas Mo Woman We i Pulum Wota Long Wel

1. Wajem VIDEO, o ridim Jon 4:​6-9. Biaen askem ol kwestin ya:

1. ?Jisas i makem wanem long woman ya, bifo we hem i statem wan storian?

2. Jisas i talem se: “Yu givim smol wota long mi.” ?From wanem hemia i beswan rod blong statem storian?

?Yumi Lanem Wanem Long Eksampol Blong Jisas?

2. Yumi save gat wan gudfala storian, sipos yumi tokbaot wan topik we man i intres long hem.

Folem Eksampol Blong Jisas

3. Rere blong jenisim storian. Yu no mas traem tokbaot wan topik we yu yu rerem finis blong tokbaot. Tokbaot wan topik we ol man oli stap tingbaot tede. Askem yu wan se:

1. ‘?Wanem i stap kamaot long nius?’

2. ‘?Ol neba, ol fren long wok, o long skul oli stap tokbaot wanem?’

4. Lukluk gud ol samting raonabaot long yu. Askem yu wan se:

1. ‘?Man ya i stap mekem wanem? ?Hem i stap tingbaot wanem naoia?’

2. ‘?Klos, haos, fes mo bodi blong hem i soemaot wanem long saed blong bilif o kalja blong hem?’

3. ‘?Hemia i wan gudfala taem blong toktok wetem hem?’

5. Lesin.

1. No toktok tumas.

2. Letem man i talemaot tingting blong hem. Sipos yu luk se i stret, askem sam kwestin.