Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • g00 Oktoba p. 3
  • Fasin Blong Smok i Holemtaet Wol Ya

I no gat video yet long haf ya.

Sori, i gat problem taem i stap lodem video ya.

  • Fasin Blong Smok i Holemtaet Wol Ya
  • Wekap!—2000
  • Sem Samting
  • Plante Milyan Laef Oli Lus Long Smok
    Wekap!—1995
  • ?From Wanem Yu Mas Lego Fasin Blong Smok?
    Wekap!—2000
  • Ol Kampani Blong Tabak Oli Kasem Bigfala Trabol
    Wekap!—1996
  • ?Wanem Tingting Blong God Long Man We i Smok?
    Wajtaoa—2014
Luk Moa Samting
Wekap!—2000
g00 Oktoba p. 3

Fasin Blong Smok i Holemtaet Wol Ya

BILL i wan man we i gat kaen fasin, gud hed, mo strong bodi. Hem i laekem tumas famle blong hem. Be, taem hem i yangfala nomo, hem i stat blong smok long sigaret. Plante yia biaen, hem i no laekem nating fasin ya blong smok. Hem i givim strong woning long ol boe blong hem se oli no mas smok, from se hem i wan krangke fasin blong folem. Be long semtaem, hem i holem wan sigaret long maot blong hem. Sam samtaem, hem i skwisim wan paket sigaret long strong han blong hem, mo i sakem i go longwe. Nao hem i mekem promes se hemia laswan sigaret blong hem. Be, i no longtaem biaen, sam samting i pulum hem blong smok bakegen. Fastaem, hem i haedem, be afta, hem i mekem long open ples nomo.

Fiftin yia finis, Bill i ded wetem kansa, afta we hem i safa bigwan blong plante manis. Sipos hem i no bin smok, ating hem i laef i stap yet, ating woman blong hem i gat wan hasban yet, mo ating ol boe blong hem oli gat papa blong olgeta yet.

Taem Bill i ded, famle blong hem i harem nogud tumas. Be samting ya i no kamaot long famle blong Bill nomo. Wol Helt Ogenaesesen (WHO), i talem se fo milian man evri yia oli ded from ol sik we tabak i givim, hemia wan man evri eit seken. Fasin blong smok, hemia bigfala stamba blong sik long wol we man hem wan i naf blong blokem. Sipos ol samting i gohed sem mak olsem naoia, long 20 yia, fasin blong smok bambae i kam faswan samting we i givim ded mo sik long ol man. Bambae hem i bigwan moa i bitim AIDS, tibi, ol mama we oli ded taem oli karem pikinini, ol man we oli ded long aksiden long trak, ol man we olgeta nomo oli kilim olgeta i ded bakegen, mo ol man we narafala i kilim olgeta i ded.

Yes, ol sigaret oli save kilim man i ded. Be fulap man long evri ples, oli gohed yet blong smok. WHO i talem se long ful wol, bitim 1.1 bilian man oli stap smok. Hemia i min se sipos yumi seraotem ol big man mo woman long wol long tri haf, ale wan haf oli stap smok.

Ol man we oli stadi long bisnes ya, oli talem se fulap man we oli kasem sik from sigaret oli stap mekem ol kampani blong wokem sigaret oli pas long kot. Nao kot i fosem ol kampani ya blong pem plante handred milian vatu long ol man ya. Be mane ya i smol, taem yumi skelem wetem fulap bilian vatu we ol kampani ya oli winim from ol sigaret. Long Yunaeted Stet nomo, oli wokem samwe long wan bilian haf sigaret evri dei. !Mo long ful wol, ol kampani mo gavman we oli mekem bisnes long tabak, oli salem bitim faev milian milian sigaret evri yia!

?From wanem fulap man oli stap gohed blong smok, nating se oli save ded from? ?Sipos yu yu stap smok, olsem wanem yu save lego? Bambae yumi luk ansa blong ol kwestin ya long ol pej biaen.

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem