Tingtingbak Long Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Ogis 30, 2010. Elda we i lukaot long Tiokratik Skul bambae i mekem tingtingbak ya blong 20 minit. Tingtingbak ya i stanap long ol tok blong Tiokratik Skul long wik blong Julae 5 kasem wik blong Ogis 30, 2010.
1. ?Sipos yumi tingting dip long ol tok we Solomon i talem long prea blong hem taem oli openem haos blong God, olsem wanem samting ya i save pulum yumi blong tinghae moa long ol nambawan fasin blong Jeova? (1 King 8:22-53) [w05 7/1 pej 30 haf 3; it-2-E pej 989 haf 4; it-2-F pej 872 haf 3]
2. ?Nating se Deved i mekem plante mastik, from wanem Baebol i talem se Deved i wokbaot long fored blong Jeova, we i “holemstrong long God long hat blong hem”? (1 King 9:4, NW) [w97 5/1 pej 5 haf 1-2]
3. ?From wanem kwin blong Seba i talem long Solomon se: “Ol man blong wok blong yu oli laki tumas we oli stap wetem yu oltaem, nao oli gat gudfala janis blong harem ol waestok blong yu”? (1 King 10:4-8) [w99 11/1 pej 20 haf 5-7]
4. ?From wanem Jeova i talem long ol man Isrel se oli mas berem Abia folem stret fasin blong berem dedman? (1 King 14:13) [cl pej 244 haf 11 long Franis mo Inglis]
5. ?Wanem i stap hapen long ol man Isrel long faswan taem we Elaeja i go luk Ehab? (1 King 17:1) [w08 4/1 pej 19, bokis, long Franis mo Inglis]
6. ?From wanem Elaeja i askem long ol man Isrel se, “?Wetaem bambae yufala i mekemap tingting blong yufala?” (1 King 18:21) [w08 1/1 pej 19 haf 3-4, long Franis mo Inglis]
7. ?Olsem yumi luk long stori blong Elaeja, wanem i mekem se Jeova i yusum paoa blong hem taem ol man blong hem oli nidim help? (1 King 19:1-12) [cl pej 42-43 haf 15-16, long Franis mo Inglis]
8. ?From wanem Nabot i no wantem salem plantesen blong ol grep blong hem long Ehab, mo yumi lanem wanem long samting ya we hem i mekem? (1 King 21:3) [w97 8/1 pej 13 haf 18-20]
9. ?Olsem wanem woman blong Sunem i “hadwok tumas” blong givhan long Elisa? (2 King 4:13) [w97 10/1 pej 30 haf 6-8]
10. ?From wanem Elisa i no wantem tekem presen blong Neman? (2 King 5:15, 16) [w05 8/1 pej 9 haf 2]